Cat's Trail Rewind

Karin at LGIN ng CTR

2011-10-19T12:03:00.000+08:00

Mga bagong character designs for the next issue...

Cat's Trail Rewind #3 now at Comic Odyssey!

2011-05-10T21:55:00.000+08:00

Kaka-restock lang po namin sa Comic Odyssey this afternoon ng 40pcs. ng Cat's Trail Rewind #3 and 10 pcs. ng Cat's Trail Spotlight. Bili na po habang meron pa. ('Pag ubos na mag-request lang po kayo sa kanila)

Sorry po sa mga naghintay nang matagal. Ngayon lang ulit kami nakababa sa mountain home namin. Mga caveman laging nasa loob ng kuweba. Buti na lang at nag-post mother's day celebration kami sa Galleria today. (Kasi wala akong naibigay na regalo sa misis ko kundi ipagluto siya ng tinola nung Linggo)

Hayan, naimpluwensiyahan na ako ng kanyang kabaliwan.

Paalala ko lang po na ang bagong issue ng CTR ay P90 na po. Mas mahal na siya sa Spotlight ngayon dahil dumoble ang presyo ng pagpapa-imprenta. Sobrang tagal ba naman nung huli kaming nagpalimbag. Nagulat kami nung nalaman namin ang presyo. At least kayo hindi na magugulat dahil ngayon pa lang ay alam niyo na. Hehe!

Punta na sa Comic Odyssey Galleria. Ngayon na! :)

The Summer Komikon 2011 Aftermath

2011-05-02T11:52:00.000+08:00

Hello Memerians! Waaahhhh! Pauso ko, kasi nag-iisip ako ng maitatawag sa mga nagmamahal ng Cat’s Trail pero parang alien ang dating: Ctrailiens, Catraliens, CTlens (o di ba parang brand ng kung anong lente?), at Aireeliens; ang dating ng lahat ay aliens! Kaya memerians na lang dahil sa mundo naman ng memeria nakatira ang ating mga bida. ^^

Unang-una sa lahat, maraming salamat! Lalo na po sa mga nagpunta at sumoporta sa nakaraang summer komikon 2011. ^^ May mga iba pa po na nagbigay ng kung anu-ano, many thanks and kisses! (hindi iyong chocolate ha, iyong kiss mula sa aso dito na ang pangalan ay Snowby-hahaha!) Kidding aside, salamat po talaga at nag-enjoy kami to the max (at parang flat tire kinabukasan dahil sa pagod-hekhek!)

Pangalawa, gusto po naming ibalita na ubos na po ang issue 2 ng CTR. Yehey!!! Pero sa mga naubusan, pasensya na po. Wala na po talaga kaming mahugot na kopya. Unless! (may umilaw na bumbilya) may magbenta ng second hand na CTR2 sa inyo o kaya may magpa-auction. Nice idea di ba? Lalo na sa mga nauubusan ng datung-hehehe! Pero malay niyo balang araw manalo ako sa lotto (kapag naisipan kong tumaya ulit-harhar!) ay magpapa-imprenta ako ng issue 2 ulit o kaya ay compilation. ^^ Pero please, ‘wag niyo naman i-upload sa internet, ipahiram niyo na lang ang kopya niyo at tutukan niyo ng shotgun habang binabasa para hindi malupi o magusot-haha! Kawawa naman ang friend niyo, baka naihi na sa salawal dahil tinutukan niyo ng shotgun, palagyan niyo muna ng catheter sa magandang nurse o kaya machong nurse, kung ano man ang preference niya. XD

Pangatlo, kahit medyo nakakalungkot, kailangan ko pong ibalita na hindi po namin nabawi ang ginastos sa pang imprenta para sa CTR3. Consequences: kapag hindi po kami nakapag raise ng enough money para sa susunod na issue, baka ipa-riso na lang po naming ang CTR4 o kaya ay maghintay kung kailan namin ma-i-re-raise ulit ang kailangan para sa panglimbag. Ang ibig ko pong sabihin doon, kahit na ready na ang CTR4 sa November komikon (which is malaking himala by the way kapag nagawa nga ni Memer-hahaha!) ay CTR3 pa rin ang nakahanda sa aming table para maibenta sa mga wala pang kopya at baka sakaling maabot na ang kailangan para sa pag imprenta ng CTR4. ^^

Nabigla po kami sa laki ng itinaas ng halaga sa pagpapalimbag. Iyong naipon namin sa pinagbentahan ng CTR1 and 2 at CTS1 ay sapat lang para maipa-limbag ang CTR3. Sa mga nagtaas ng kilay, opo, ganoon nga po kamahal (walang exaggeration or whatsoever) ang pagpapalimbag namin ngayon. Akala po namin ay makakaipon na kami para sa pagpapalimbag ng CTS2, but unfortunately, naubos po.

May isa pa po kaming solusyon, ang magbagsak ng kopya sa Comic Odyssey sa Galleria. Kawawa naman ang mga tao doon, mababagsakan ng komiks-hehehe! Ang corny, no? Wala, naubos na yata ang kabaliwan ko sa katawan dahil installment ang pagsusulat ko nito kasi isinisingit ko lang kapag may free time. Kung sakali man na makabenta kami ng around 120+ copies doon ay maiipon na namin ang kailangan para sa CTR4. yehey!!!! Clap! Clap! Clap! May kataasan po kasi ang kailangan namin para sa susunod na isyu dahil sa susunod na sasabihin ko.

Pang-apat, (ano? Inaantok na kayo? Aba! Hindi lang kayo, ako din! Hehehe!!!) pinag aaralan namin kung isasama na lang namin sa isyu ng komiks ang CTS. Halimbawa, ang CTS2 chapter 1 ay sa CTR4 lalabas. Madadagdagan ang pages (kaya mas mahal ang pag imprenta) at bahagyang tataas ang presyo pero magkasama na silang dalawa. Magiging rare copy na lang ang CTS 1. ^^ Nagtanong na kasi ako sa imprenta kung magkano kapag nadagdagan ng pages. Pero sa ngayon ay puro drawing lang ang mga planong ito. Well, huwag niyo na hanapin pa sa akin ang drawing kasi baka hindi ninyo maintindihan ang stick figures-hehehehe! Ang straight line ko nga ay bumabaliko pa, aasahan niyo pa ba ako doon?

Anyway, bigyan niyo na lang po kami ng feedbacks, comments, and suggestions. Malaking tulong din po kasi sa amin kung may ideas kayo. ^^ Masyado na pong matagal ang update na ito kaya kailangan ko na pong ayusin.

O sige na sa susunod na lang na balitaan. Maraming salamat sa inyo. Babush!

Angel Mei

Cat's Trail #3 at the Summer Komikon!

2011-04-15T21:04:00.001+08:00

Galing po kami ngayong hapon sa imprenta at na-pickup na namin ang 500 copies ng CTR #3. Bukas po ay magdadala kami ng mga 400 copies ng CTR #3, around 100 copies ng CTS #1, and kung ilan man ang natititra pang CTR #2. Plus, for sale pa din po yung mga stickers and bookmarks ng CTR.

Sorry at wala na pong first issue ng Cat's Trail Rewind.

Kitakits sa Summer Komikon bukas! Tulog nang maaga! :) Punta po kayo sa site nila dito, for more details.

Ang Katotohanan Tungkol sa CTR #3

2011-04-07T11:27:00.000+08:00

Una sa kahat, dapat ay kagabi ko pa ito isinulat. Pero dahil sa sobrang pagod at dami ng gawain, umiikot na ang paligid ko bago pa man lumalim nang husto ang gabi.

Produksiyon ng CTR #3

Magsimula tayo sa paghahanda ng isyu 3. Alam naman ninyo na halos isang taon na din ang nakalipas mula nung unang ilabas ang isyu 2. (Parang CCCom 'no? Ahehe!) Dumadami na din kasi ang mga trabahong aking inaatupag sa ngayon. Labas pa dun ang responsibilidad ko sa aking pamilya. Mabuti na lang at mabait pa din ang Diyos at lagi na lang ako binibigyan ng panahon para tapusin ang isang isyu pag nanganganib na ito. Last month ko lang talaga ito bingyan ng pansin ulit. Within a month tinapos ko ang nalalabing 20+ pages na kelangan pang iguhit at letrahan. Gusto talaga namin makapaglabas ng bagong komiks sa darating na Summer komikon.

Good news sa bagong isyu - mas madami na siyang tones! Yay! Patawarin niyo na lang at hindi talaga ako toner. (Boo!) Malaki pa naman ulit ang fonts para wala nang mga readers ang magiging near-sighted (tulad nung sa isyu 1). Saka nadagdagan ng 4 extra pages ang bagong isyu. 32 pages na siya ngayon. Siyempre kasama na dun ang extra stuff tulad ng fanart at iba pang articles.

Pagpapalimbag

Ito ang medyo malungkot na aspeto ng isyu 3. Nalaman lang po namin na more than 50% na ang itinaas ng pagpapalimbag ng isang isyu. Napaisip tuloy kami at naguluhan sa pagpa-plano. Tataasan ba namin ang presyo ng komiks? Sa panahon ngayon, madami na nga ang umaaray sa pagtataas ng iba't-ibang bilihin, pamasahe, atbp. Kung hindi naman namin tataasan ang presyo (o konti lang ang itataas), kami naman ang mahihirapan mag-ipon para sa susunod na isyu.

Photocopy na lang kaya o Riso? Ito ang mabilis na solusyon sa aming problema. Kung ganito ang gagawin namin e hindi na namin kelangan taasan pa ang presyo ng CTR 3. Ang problema: Pangit ang reproduction ng tones pag riso o photocopy. Maaaring dumilim o malabnaw ang output ng ganitong proseso. Hindi mo talaga kontrolado ang output na ito. Sayang naman yung pinaganda naming pahina (nagbubuhat na ako ng sarili kong bangko). Isa pang problema sa riso at photocopy ay may white borders sila sa paligid ng pahina. Ibig sabihin nito ay pwedeng maputol ang art o text na nakalagay sa borders ng papel mo. Isa itong bagay na hindi ko napagplanuhan (dahil imprenta nga ang orihinal na iniisip ko).

Nauwi din kami sa imprenta. Pero siguro magiging turning point ito ng susunod naming balak sa future issues ng CTR (at CTS). Aalamin namin kung ano ang magiging resulta ng pagtataas ng presyo ng komiks. Kung hihina ang benta, malamang ay magpa-photocopy na nga lang o riso kami sa isyu 4 at mga kasunod nito. Mababawasan na din ang tones dahil hindi ito maayos na mare-reproduce.

Sa totoo lang po ay natuwa kami dati dahil akala namin ay nakaipon na kami ng pampalimbag for 2 more issues ng CTR. Nakakalungkot lang sabihin na ang naipon naming ito ay ibubuhos na namin sa isyu 3 lang.

Posibleng Direksiyon ng CTR at CTS

Tulad ng nabanggit, maaaring gamitin namin ang low cost methods ng riso o photocopy sa susunod na isyu. Depende ito sa magiging sales namin ng isyu 3.

Ang mas malaking problema namin ay ang Cat's Trail Spotlight. Sa mga bumili ng libro, alam niyo naman na importante ang mga detalyeng nilalahad dito dahil ito ay impormasyon na hindi na tatalakayin pa sa CTR. (O bahagyang tatalakayin lamang). Ito din ang libro naming mahirap maibenta dahil mas gusto ng readers ang komiks format kesa illustrated novel. Kung ang CTR ay dumoble ang presyo ng pagpapalimbag, isipin niyo na lang ang magiging street price ng CTS. May bibili pa kaya nito kung taasan namin ang presyo to P100+ pesos? P150 o P180? Kung P80 lang ay mahirap na itong ibenta, ano pa kaya ang magiging resulta pag nagtaas pa kami?

Sa ngayon ay pinag-iisipan na din namin kung paano ito gagawan ng paraan. Hindi na din namin mahihinto ang produksiyon nito dahil kelangan talaga ito sa kuwento. Isa pa, ang pagtigil sa paggawa ng CTS ay makakasira sa tiwala ng mga bumili na nito at nagustuhan ang kuwento. Isang ideya namin ay isama na lang (per chapter) sa CTR ang CTS. Pero ito ay ideya pa lamang at hindi pa final.

Bilang pagtatapos, nais po sana naming hingin ang inyong pag-unawa sa naging direksiyon ng isyu 3. Ang gusto lang po namin ay patuloy kayong mabigyan ng aliw at tuwa sa pagbabasa ng Cat's Trail Rewind. Kung meron po kayong mga suggestions o tanong, magpadala lamang po kayo ng message sa: ctrewind@gmail.com at sasagutin po namin ang inyong messages sa abot ng aming makakaya.

Bilang maagang pabuya, mag-iiwan kami ng sample pages mula sa CTR isyu 3. Mapapansin niyo po sa cover ang pagbabago ng presyo ng pinakabagong isyu.

Maraming salamat po!!!

---------------------------------------------------------------------------------------

-------------------------------------------------------------------------------------------------
Para sa karagdagang impormasyon sa darating na Summer Komikon pumunta po kayo sa kanilang site.

Maaaring partial delivery ng CTR 3 lang po ang mabibigay sa amin ng imprenta by the 15th, so baka 200 copies lang more or less ang madadala namin sa event. (Update ko po kayo sa 15th din.) Kung hindi po kayo makakapunta sa Summer Komikon, makakabili pa naman po kayo sa Comic Odyssey Galleria (sa branch lang nila na ito) after the event. Hintayin lang po ang post namin dito kung kelan available or call their store at (632) 914-0040 bago po kayo pumunta dun. (sayang ang pamasahe niyo kung wala kayong aabutan)

Cat's Trail Rewind #3 updates

2011-03-31T23:32:00.001+08:00

Una sa lahat, tapos na po ang production process ng CTR3. 32 po siya ng komiks at ang madalas na kasamang articles at iba pa. Ang problema po ay ang pagpapadala nito sa imprenta. Kung sakalaing hindi po magreply ang imprenta e baka mauwi sa photocopy version ang CTR. Pero di bale nang photocopy basta may mailabas lang na isyu.

Mapunta naman po sa ibang balita:

Sold out na po ang CTR 1. Good news po ito sa amin dahil ibig sabihin ay may bumibili ng aming gawa. Bad news po ito sa hindi pa nakakabili ng isyu 1.

Paubos na din po ang CTR 2. Nung huling bilang namin ay parang 20-30 copies na lang. (Baka nagkamali lang din ang memorya ko, pero regardless, konti na lang po ang stock ng isyu 2)

Madami-dami pa naman ang CT Spotlight. Pero below 100 copies na lang.

Sa ngayon hindi pa po namin alam kung ano ang presyo ng CTR #3. Please stand by for updates.

Magtatapos po ako sa isa na lang teaser for CTR 3. Para mabigyan kayo ng ideya kung ano ang nilalaman ng isyung ito. Enjoy!!!

Malapit na ang Summer Komikon...

2011-02-19T17:23:00.000+08:00

Sana nga umabot... 2 pages a day dapat ang ginagawa ko... huhuhu...

Last Minute post for Komikon 2010

2010-11-12T21:59:00.000+08:00

Komikon will be held at the Starmall Trade Hall (Yung mall across EDSA from Shangrila/Megamall). 10AM-7:30PM.

Nabanggit na po namain na wala pa pong issue 3 ng CTR (very, very sorry) pero ipagpapatuloy po namin ang pagbenta na mga nakaraang issues:

-Cat's Trail Rewind 1-2 - P50
-Cat's Trail Spotlight 1 - P80

Plus some other merchandise below:

Ang pagbabalik ng mga Cat's Trail Stickers - P10 each

Cat's Trail Bookmarks (1" x 4.25") - P5 each (Free 1 pc. bookmark for anyone who buys CT Spotlight at the Komikon event)

See you there!!!

Malapit na ang Komikon...

2010-11-05T08:46:00.001+08:00

Shhhh... Kita-kits tayo dun! (Kahit hindi natapos ni Memer yung 3rd ish.)

Some Sad News...

2010-10-31T10:10:00.000+08:00

Wala pong bagong Cat's Trail issue sa Komikon on November 13. Sa dami po ng aking trabaho ay hindi ko po natapos ang issue 3 ng CTR. Pero nagbabalak po kaming magbenta ng ibang items/merchandise sa nasabing event. Baka din po kami maglabas ng issue 3 preview.

We'll keep you guys updated na lang. Sori po talaga.

Cat's Trail Rewind Issue 3 Cover Preview

2010-08-26T10:17:00.000+08:00

Para may updates naman dito sa CT blog, here's something to look forward to...


Akala niyo nakita niyo na lahat sa CCCom version? You don't want to miss this issue.

Cat's Trail Rewind: Bridgette at Roland

2010-08-18T17:07:00.002+08:00

Might as well post this character design para may update naman dito... ^_^"

Enjoy!!!

By the way, para sa lahat ng nagtatanong kung pupunta ako sa Manila Comic Con this weekend (Aug. 21-22)... Yes, pupunta po ako and magbebenta ng Cat's Trail Rewind at Spotlight. I will be attanding on Sunday afternoon only. No new issue, unfortunately. Naging masyado akong busy sa trabaho these past few months. Pero nagsisimula na din ako sa issue 3 ng CTR. Hopefully, kung matapos ko lahat ng work this week, next week hahataw na ako sa CT work. Anyway, natulungan naman na ako ni Misis sa script, so tapos na ang story for issue 3. Wala nga lang artwork. Huhu... :(

Until next post!

Cosplay Mania X News

2010-07-06T14:57:00.001+08:00

Maagang news at plugging lang po:

Invited po ako na maging judge for Cosplay.ph's annual Forum Banner Contest. Interested parties may click on the pic below para malaman ang guidelines for the contest. (And... yes, that's my version of Phil, Cozee and DotPeach. ^_^ )

Magkakaroon din po kami ng booth at the Cosplay Mania X event (October 2-3, SMX Convention Center) and will be selling Cat's Trail books and stuff doon. We hope to see you all there!

-Memer

Toycon Artists' Booth Line up

2010-06-17T17:07:00.001+08:00

This is not about Cat's Trail, pero gusto ko lang sana matulungan i-promote ang Artists booth sa upcoming Toycon this 19th and 20th June.

Here's the list:

Artists' Section guest list or Saturday:

1. Josel Nicolas
2. Melvin Calingo
3. Joanah Calingo
4. Mel Casipit
5. Gio Paredes + 2 members of Bayan Knights (6, 7)
8. Silent Sanctum Manga (9, 10, 11)
12. Rommel Estanislao
13. Hazel Manzano
14. Freely Abrigo
15. KOMIKON Organizers

Caricature Artists for Saturday (3-6 pm or 4-6 pm at the DC Gallery at the Events Area and Toy Kingdom):

1. Andrew Villar
2. Amos Villar
3. Lyndon Gregorio
4. Rafael Paolo Liao (dA Meat)
5. Nicholas Trinidad (dA Meat)

* * *

Artists' Section guest list or Sunday:

1. Randy Valiente
2. dA Meat (3, 4, 5, 6)
7. Lico Reloj (plus his nephew, LJ 8)
9. KOMIKON Organizers

Caricature Artists for Sunday (3-6 pm or 4-6 pm at the DC Gallery at the Events Area and Toy Kingdom):

1. Mike Edward Atienza (dA Meat)
2. Adrian Leang (dA Meat)
3. Rafael Paolo Liao (dA Meat)
4. Nicholas Trinidad (dA Meat)

Book signing special guest (3-6 pm or 4-6 pm at the DC Gallery at the Events Area):

Gerry Alanguilan

So if you wish to support our local artists or just want to have a chat with them, this is your chance. ^_^ I will probably be going to the event pero hindi ako magtitinda ng issues ng CT. Hindi na kasi ako nakaabot sa list of artists eh. Hindi din ako nakapag-confirm dahil undecided ako sa schedule ko. I may be hanging out with them though. Kitakits na lang tayo dun if ever.

Cat's Trail books now available at Comic Alley Galleria

2010-04-26T22:29:00.001+08:00

Nanggaling po ako sa Robinson's Galleria kaninang umaga at masaya po akong ibalita na ang CTR#1-2 at CTS#1 ay available na po sa Comic Odyssey sa L3 East Wing (expansion mall). Ang store nila ay malapit sa Kenny rogers at sa elevators near the ortigas side.

Nag-iwan lang po ako ng 10 copies each book. Kung sakaling maubusan ay mag-request lang kayo sa kanila at magde-deliver ulit ako ng bagong copies whenever possible. Hopefully, kung mapansin ng may-ari na madaming nagre-request, baka pwedeng mas madami na akong iiwan na copies next time.

May website din po ang comic odyssey:
http://www.comic-odyssey.com/

Madami din po palang ibang local indie comic books sa store nila (may nakita ako dun Kubori...) Maraming salamat kay Ate Ning ng Comic Odyssey. Napakabait po niyo sa mga local comic book artists.More power to Comic Odyssey! Sana ay hindi kayo magsawang sumuporta sa gawang pinoy. ^_^

-Elmer Damaso

How to buy CTR and CTS (ulit)

2010-04-19T09:40:00.001+08:00

For those na hindi makapunta sa mga events na pinagbebentahan namin. Especially fans from the provincial areas... (Ito po yung naging last page sa CTR#2. Since launched na po sa Summer Komikon ang nasabing isyu, ginamit ko na din yung page na 'to dito sa blog)

Pinag-iisipan din po namin mag-iwan ng ilang issues ng CTR at CTS sa Comic Odyssey sa Robinsons Galleria. Good news for people na tiga-Metro Manila. Kapag nakababa po ulit ako sa aming bahay sa bundok, I will talk to them and, hopefully, mas madali na po ang pag-purchase ng issues ng CT. Please bear with us. I will announce po dito kung available na siya sa nasabing shop.

Final Inventory count for Summer Komikon 2010

2010-04-16T22:17:00.001+08:00

Final Inventory count for Summer Komikon tomorrow:
-250 pcs. CTR #2
-23 pcs. CTR #1
-20 pcs. CTS #1
-Anything else will break my back. Ouch!

Kitakits na lang tayo bukas, guys! Hanapin niyo yung mukhang kikiam sa baba... Haha!!!

Cat's Trail Rewind #2 will be available at the Summer Komikon!!!

2010-04-15T22:02:00.001+08:00

At ang mga pictures sa baba ang patunay na magbebenta kami ng pangalawang isyu ng CTR. Siguro magdadala ako ng around 200+ issues out of our total print run na 400. So first come, first served.

Halos himatayin ako sa pagsampa ng overpass bitbit ang 400 issues. Hahaha!!! So see you guys sa event. Please feel free to drop by the booth and talk to us. Open naman ako sa questions, chika, portfolio review, exchange of tips, etc. Free of charge lahat 'yun.

We may also offer sketch cards at the event for a minimal fee. Ive-verify ko lang with Tigakanal and Tagailog. The doodle pad (pamilyar dito ang mga taong pumunta sa table namin sa nakaraang events) will also be there. Leave your comments, suggestions, dedications, messages, promote your site or FB/FS account sa doodle pad. Sa isyu 3, pipili kami ng mga doodles so you may see your work and messages sa CTR. ^_^

Also, magtitinda pa din kami ng issue 1 ng CTR at CTS. So kung hindi pa kayo nakabili ng kopya ninyo, pwede pa din kayo maka-avail sa nasabing event.

Special thanks go to Mr. James Palabay and J.C. Palabay Enterprises for the printing services. (Yup! You heard that right - the same people who gave you Culture Crash printed CTR 2. ^_^)

Cat's Trail Rewind Issue 2 Preview pages

2010-04-13T20:37:00.000+08:00

Hi guys! It's been a while na wala akong updates dito sa site. Sorry about that. Anyway, naisip ko na din mag-upload ng preview pages ng CTR #2. I really wish matapos ng imprenta yung copies before the 17th para makapagbenta kami sa Summer Komikon event.

What's new sa issue na ito?
-Fanart
-Fan mail
-Bigger fonts! Haha!

So anyway, enjoy the preview and cross your fingers na lang. See you all at the event and feel free to chat with us at the table. Basta wala naman bumibili (o hindi kami kumakain... remember nangangagat kami 'pag gutom. Hehe!) free of charge ang chika. Yosh!

Check back around Thursday or Friday to confirm kung ano ang gimmick namin sa Saturday. Thanks everyone!

I bet hindi niyo nakita 'yung scenes na 'yan sa original na CCCom release 'no? Hehehe...

Summer Komikon Poster

2010-03-18T19:57:00.000+08:00

Para sa interesado malaman yung details ng Summer Komikon 2010 (and to see a glimpse of what's in store for you 'pag nagpunta ka) ...

Advanced Happy Valentine's Day sa lahat

2010-02-10T21:39:00.002+08:00

My very early gift to all the CT fans! Isang cover preview sa wakas. Mapapansin niyo na may bagong studio/"company" logo na ang CTR (at gagamitin din yun sa CTS). It is official. It will be our studio logo for any other projects outside Cat's Trail din.

Issue 2 will be released/sold during the Summer Komikon on April 17, 2010 (mark your calendars and start saving P50... ehehe). Gaganapin ang event na ito sa UP Bahay ng Alumni.

See you there. (Matagal pa naman)

*edit: Magpupunta nga pala kami nila Tigakanal at Tagailog sa first ever UPLB Komikon on Feb 13 sa UPLB grounds. So kung sino man ang nagbabasa nito na malapit sa lugar na 'yun, see you there!!!

Summer Komikon 2010 Art

2010-01-22T10:17:00.000+08:00

My art contribution to the Summer Komikon 2010 poster. :)

Hindi pa namin alam kung gagamitin o hindi dahil kasa-submit lang today. Hehe! First seen here. For more details on Komikon please visit their sites na lang muna below:

-http://komikon.blogspot.com/
-http://komikon.deviantart.com/
-http://www.komikon.tk/

Keep coming back for more updates or join our mailing list. Maraming salamat!!!

ODID naman?!

2009-12-31T10:19:00.000+08:00

Hmm... Hindi ito news about CT, pero may guest sa Kubori Strips na tiga-CCCom din. ODID fans, this is all we can offer. Ahehe...

Punta kayo sa DA ni Tigakanal:
Kubori Strip #235:
http://kubori-strips.deviantart.com/art/Kubori-Strip-235-148421404

Kubori Strip #236
http://kubori-strips.deviantart.com/art/Kubori-Strip-236-148421507

HAPPY NEW YEAR SA LAHAT!!!

p.s. Pasensiya na sa hindi ko pag-update dito sa blog. Hindi na po ako makahinga sa trabaho. I will be working 'till the fireworks begin... and long after... :(

Airee Collette sa Kubori Strips?! Meron!!!

2009-12-23T16:06:00.000+08:00

Si Airee Collette nag-guest sa Kubori Strips. Check it out! Leave kayo ng comments kay Tigakanal, hehe!!!

Kubori Strip #233:
http://kubori-strips.deviantart.com/art/Kubori-Strip-233-147690066

Kubori Strip #234:
http://kubori-strips.deviantart.com/art/Kubori-Strip-234-147690296

MERRY CHRISTMAS AND HAPPY NEW YEAR SA LAHAT!!! :)

Cat's Trail Art from Mangaholix Event

2009-12-23T13:10:00.000+08:00

For those who did not get to go to the M3Con, here's the full artwork I contributed to their exhibit. Enjoy!

Komikon Doodle Art

2009-11-27T21:25:00.000+08:00

Pasensiya na po sa lack of updates. May tinatapos lang akong ilang trabaho, then magkukuwento naman ako tungkol sa Mangaholix 2009 event.

Anyway, natapos ko na din i-assemble yung doodle paper nung Komikon 2009 na naganap last month pa. If you see your sig or artwork, take a bow and maraming salamat for contributing your artistic talent to our table. Salamat din sa Photoshop. Hahahaha!!!

Mangaholix, CT purchases, atbp.

2009-11-07T06:50:00.000+08:00

Paumanhin kung hindi ako nagpo-post recently. Itong nakaraang linggo ay nagkaroon ako ng ilang trabahong kelangang tapusin. Tapos nung weekend e nagkasakit pa ako ng matindi. Anyway, it's about time to make very important announcements...

RESERVATIONS FOR CAT'S TRAIL REWIND AT SPOTLIGHT FOR MANGAHOLIX EVENT:

Reservations for CTR at CTS sa Mangaholix event is NOW OPEN. Please EMAIL us your full name, kung ano'ng isyu ang gusto niyong ipa-reserve, and how many copies. (Note if you want it signed or mint) Please huwag po kayong mag-leave sa messageboard ng requests for reservations. Hindi po namin yun ico-consider. Email requests to: ctrewind@gmail.com

Salamat!

HOW TO PURCHASE CAT'S TRAIL BOOKS NA HINDI NA KELANGAN MAGHINTAY NG EVENT:

1. HAVE IT SHIPPED VIA COURIER (PHILIPPINE RESIDENTS)
Pagbibigyan na po namin ito. But please follow the instructions below carefully. Ang courier of choice namin is 2GO or LBC. 2GO is cheaper, pero ang closest branch sa min is almost a 2-hour travel (sa megamall). LBC is closer (only 20-30mins.) but has slightly higher charges. So ganito na lang, settle na lang muna tayo sa LBC for now hanggang makapag-work out ako ng plan with 2GO.

* Shipping cost for a set (CTR+CTS) is: P100 for Luzon, P110 for Visayas or Mindanao
* Payment must be made through bank deposit (BDO), ML Kuwarta Padala, LBC, or if you have other suggestions, please inform us sa request email
*Pwede din po kami magpadala through registered postal mail. Pinakamura. Pero pinakamatagal din at (sadly) pinaka-unreliable. Please use this option as your last choice. Kapag pinadala po namin ang items niyo through local postal service, hindi po kami responsible kung hindi niyo po matanggap ang ordered items niyo. Wala na po kami magagawa once we send with this option.

Instructions:
-EMAIL us a request. Please include the following: Full name of recipient, complete address, and cell number only if you wish to be informed via cel
-WAIT for our reply email. Usually, kasama sa email na ito lahat ng kelangan niyo para mapadala ang shipping at item fees. It will also contain info kung sakaling may problema sa request niyo. Importante po na hintayin niyo ang reply email namin bago kayo magpadala ng pera (for returning customers).
-SEND the payment. Paki-scan na lang po nung deposit slip, receipt o paki-send sa amin ang payment details.
-Matapos po namin ma-verify ang payment, ipapadala na po namin sa next available day ang inyong requested items. We will then send you a scan of the delivery receipt as proof.
-Wait for your copies to arrive.

Pakiusap lang po na kami lang ng aking butihing maybahay ang mag-aasikaso ng inyong mga requests. Kaya po humihingi kami ng kaunting pang-unawa kung may araw na busy kami at matagalan ng konti ang pag-proseso at pagpapadala. May iba din po kaming mga trabaho.

*Once napadala na po ang inyong items (at napakita na po namin ang delivery receipt as proof), we are not responsible for unreceived items.*

2. BULK ORDERS FOR PICKUP/MEET UP/SHIPPING:

Pwede din po kayong kumuha ng bulk orders. Please send requests through email na lang (NOT sa messageboard). So we can work something out.

To those interested and living in the Rizal area (or nearby), I live in the Rizal area, so the nearest pickup point from our place is SM Taytay. I can only meetup 'pag ang orders ay 10 and above. 'Pag 50 and above ang kukunin, we can offer 10% off total price. Meetups is STRICTLY for pickup of items only and is subject to availability of schedule.

Other pickup points na pwede sa 'min ay SM Megamall and Robinson's Galleria. But both venues are pretty far, so please email requests and we'll see what we can do.

We can also send your orders via courier. Send your requests via email and we'll try to get a quotation ASAP
for you.

Kung meron pong malabo sa aking nasabi, kung meron kayong katanungan na importante about purchases and shipping, EMAIL us. Please don't leave messages sa message board if you need a detailed reply.

Maraming salamat po.

LAST MINUTE TIPS:
-Alam po namin na medyo mabigat ang courier fee, so if you can, just wait for the event kung saan kami magbebenta to avoid the extra cost
-If you are far away and cannot attend events, mas maganda siguro if you buy by bulk. Maybe may friends ka na gusto din bumili, pagsama-samahin niyo na lang yung orders niyo para mas makamura sa shipping (of course, isa lang dapat ang recipient). Makakatulong din yun para isang punta lang kami sa courier.
-Magpareserba sa Mangaholix, para hindi kayo nagmamadali at hindi kayo mauubusan (parang naman mauubos 'no? hehe)

Btw, at the Mangaholix event (November 21-22 at the World Trade Center) makikita ang buong art na nasa kaliwa. Meron sila dun GALLERY. So if you want to see the whole picture, punta po kayo. Magkakaron din po ako ng stage interview, portfolio viewing and stuff for the event, kaya pwede na din kayo maghanda ng inyong mga tanong. Of course, magbebenta din po kami ng Cat's Trail Rewind at Spotlight. See you there!

Komikon 2009 pics

2009-10-27T15:20:00.005+08:00

It's been a week since Komikon 2009. Dapat matagal ko na 'tong na-post, kaso naghahabol ako sa iba kong mga trabaho. Anyway, ito yung mga photos taken during the event. Taken from different sources. Sayang at hindi talaga kami makapaglibot nung event at may table kaming dapat bantayan. Buti na lang dala ng little sis ko yung kanyang DSLR. Salamat, sis! :)

Thanks to everyone who donated photos din and for letting me post it here.
---------------------------------------------------------------------------
Komikon 2009 Ingress. Wala pang buyers dahil hindi pa bukas ang gates ng Megatrade. Wala pa din masyadong tao sa paligid.

That's our table. Malinis pa. Hehe! My lovely wife doing last minute checks. That's Mr. Jon Zamar behind her. The brilliant mind behind Digmaang Salinlahi and also part of the old CCCom crew. Bili kayo ng Fresh #1 niya - nandun ang Cat's Trail #0. ^_^

-------------------------------------------------------------------------------------

Event proper. My sis took most of the pics dahil dumadami na ang tao and we can't leave our table na. (In random order)

Kung meron lang sanang contest sa doodle table namin. Bibigyan namin ng "fighting spirit award" ang batang ito. Ayon sa kanyang pirma, siya si Christian Luke B. Alarcon (7 years old). Kasama niya ang kanyang proud mom. Dumaan siya sa table namin, took the ballpen na nasa doodle area, tapos nagsimula na siyang mag-drowing for about 8-12 minutes. Never flinched. Na-chika pa namin yung mom niya sandali. Turns out may big bro siya na sumali sa drawing contest. Pati si Christian may sinalihan din. Later in the afternoon, sinama naman nila si daddy para makita ang obra ni Christian sa table namin. Take a bow, guys! :) Mukhang maganda ang future ni Christian sa komiks ah.

It's Mr. Pol Medina, Jr. ! We were able to get a sig from him at the doodle table. Hehe! Yung ka-tropa naming si Mr. Mark Navarro (Otaku Tourist ng CCCom) balak pang nenokin yung sig. Haha!

-------------------------------------------------------------------------------------

Egress. It has nothing to do with eggs. (Corny!) Hahaha! Patapos na ang event so medyo kaunti na lang yung tao. Wala na din kami masyado ginagawa.

-------------------------------------------------------------------------------------

Final kalokohan ng tropa!!! Yeah! Ganyan na nga ang tapos ng Komikon 2009. Puro kalokohan na lang yung ginagawa bago umuwi. Time to unwind!

-------------------------------------------------------------------------------------

Ang mga pictures sa baba ay mga photos taken by the fans themselves. Used here with permission po. :) Maraming salamat sa pics guys! Salamat din sa kuwentuhan at sa lahat ng suporta.

From suoh12:

from Martin Belizario Jimenez, Renjay Karlo Dizon, Bong Tamayo, Ninjin Shutaro, April Iris Ladia, John Marc Evardone, respectively:

Thanks guys! :)

Mga katanungan sa Cat's Trail Rewind at Spotlight... sasagutin!

2009-10-22T18:11:00.002+08:00

Matapos ang re-launching ng CTR at CTS sa Komikon '09, maraming katanungan ang nais masagot ng mga mambabasa. Nasa baba ang mga pinakamadalas na matanong (in random order):

1. Kelan po ang susunod na isyu?

- Kung makarami uli kami ng benta sa susunod na event sa Mangaholix event sa Nobyembre, at makaipon kami ng pondo para sa muling pagpapalimbag, ang susunod na isyu ng CTR ay sa Disyembre. Kung saang event ay kelangan pa naming malaman. So far, may invite sa kin sa isang pending na event sa December. Keep coming back for updates po.

2. Kung ang CTR ay posibleng magka-isyu 2 sa Disyembre, kelan po ang susunod na isyu ng CTS?

- Tulad ng nabanggit ko sa isang lumang post ko dito, ang CTS ay hindi laging kasabay ng bawat isyu ng CTR. So expect na wala munang CTS pag naglabas na kami ng CTR #2. Bakit? Kasi malawak ang magiging sakop ng kuwento ng CTS sa kuwento ng Cat's Trail. Kung lagi po natin siyang isasabay sa bawat isyu ng CTR, mauuna pong ma-reveal ang buong kuwento ng CT sa CTS. Pero sigurado pong may iba pang aklat ang CTS. Mas matagal lang ang paghihintay.

3. (Matapos ang Komikon) Meron pa po bang isyu ng CTR at CTS na puwedeng mabili?

- Madami pa naman pong natirang isyu matapos ang Komikon '09. ^_^

4. Ba't wala pong kulay yung cover?

- Ang rason dito ay pondo. Ito po ay unang pagkakataon naming mag-self publish ng aking butihing maybahay kaya pinilit po muna naming maging conservative sa gastos. Aaminin po namin na medyo kinabahan din po kasi kami dahil baka hindi po mag-click ang re-launching ng CT. Kapag tumaas na po siguro sa mga 1000+ ang sirkulasyon ng aming komiks, baka po i-consider namin ito.

5. Pa'no naman po yung mga nasa malalayong lugar (outside Metro Manila at sa ibang bansa)? Pa'no po kaya kami makakabili?

- Pinag-aaralan pa po namin ito. Nagtanong na ako sa LBC at nagpa-quote ng mga presyo ng isang set. Kung magpapadala po ako sa (any point of) Luzon, ang presyo ng pagpapadala ay P100, kung Visayas o MIndanao area naman ay P110. Parang 1 set na din halos ang presyo ng shipping. Kung sa ibang bansa naman ay mas kumplikado pa at ang estimate ko ay parang bumili ka na ng sampung sets ng CTR at CTS (shipping pa lang yun). Pinag-iisipan ko ito dahil parang lugi ang mga buyers sa additional shipping cost (lalo na yung mga nasa ibang bansa). Kung pipiliin mo ang murang alternatibo - ang postal service - medyo kinakabahan naman kami na hindi makaabot sa bumili ang kanyang binayarang libro. (Kahit nung nasa CCCom pa ako ay madami kaming natatanggap na reklamong wala silang natatanggap na isyu)

Ang isa sigurong pwede kong gawin ay mag-iwan ng mga copies sa mga Comicbook outlets/retailers sa mga malls. Pero limitado pa din ito sa sakop ng aking pwedeng ma-biyahe. (Ako po ay taga-Binangonan, Rizal)

Hindi din po madaling makapasok sa big retailers/stores tulad ng National Bookstore. Madami pong kelangan lakarin dito. Hindi ko na po iisa-isahin. (Kung may malakas sa may-ari ng NBS, makikihingi na lang kami ng tulong... ehehe...)

So, ang maipapayo ko sa ngayon: Kung may kakilala kayo dito sa Metro Manila o sa Pilipinas na pwedeng bumili ng mga isyu para sa inyo, makisuyo na lang po muna kayo. Hayaan niyo at hahanap po kami ng paraan upang marating kayong lahat ng aming libro. Kelangan lang muna namin ng panahon. Kung meron kayong suhestiyon, o maitutulong, ipaalam lang po sa amin.

6. Pwede po bang gumawa ng CT doujinshi o fan komiks? Puwede po ba itong ibenta?

- Ito'y natanong lang sa blog ni ko (Memer). Gusto ko na lang din ito sagutin dito na mas may kabuuan. Wala pong problema sa 'kin ang fan art, fan fiction, o doujinshi ng CT. Ito lang po ang pakiusap ko: Huwag naman po sana bastos ang nilalaman ng inyong gawa. (Meaning, walang nudity, sex, o anumang nilalaman na pwedeng makasira sa imahe ng CT) Kung maaari ay bigyan niyo po ako ng detailed synopsis ng inyong fanfic/doujin bago po kayo maglabas. Ito'y upang maiwasan ang pagkakapareho ng inyong nagawa sa aming orihinal na intensiyon na daloy ng kuwento ng CT. Baka po kasi pareho ang tahakin ng ating kuwento at magturuan po tayo kung sino ang nanggaya o nang-agaw ng konsepto. Once approved naman po ang synopsis niyo, pwede niyo po itong ibenta din bilang indie komiks o i-post sa inyong blog/site. Ang pakiusap ko lang din po ay ma-credit, in any way, ang tunay na Cat's Trail at ang mga may-ari nito. Maraming salamat.

Hanggang dito na lang muna ang mga questions and answers. Kung meron pa po kayong tanong na hindi pa nalagay dito, paki-email na lang sa amin sa ctrewind@gmail.com at pipilitin po namin itong sagutin sa abot ng aming makakaya.

Sana nga po pala ay nagustuhan niyo ang bagong blog/tahanan ng Cat's Trail. Minabuti ko na pong ihiwalay sa personal blog ko ang CT para po hindi na ito masama pa sa ibang kaguluhan ng aking personal na buhay. (Tulad ng mga laruan at iba pang komiks o drowings na ginagawa ko ^_^")

Sana din po ay magpa-add kayo sa mailing list ng CT. (Nandiyan lang po sa right hand side ng blog) Ito'y upang ma-update kayo tuwing may bagong post sa blog na 'to o 'pag may bago o importanteng news patungkol sa Cat's Trail.

Enjoy your stay!!! ^_^

Unang post ay ang re-launching ng CT (ang original ay nasa blog ni Memer)

2009-10-22T14:49:00.000+08:00

First thing's first...

MARAMING SALAMAT PO SA INYONG LAHAT!!! :)

I usually post in english here in my blog, pero tatagalugin ko na lang po this time. First time po namin mag-self publish ng aking asawang si Cornelia (or Mei sa komiks). Aaminin ko pong sobra ang aming kaba at excitement sa event nung Linggo. Meron pa nga bang tatangkilik ng isang lumang obrang matagal nang wala sa sirkulasyon? Nagbibiruan pa nga kami ilang araw bago yung event - sabi ko meron nang mga 30 tao ang nagkumpirmang bibili. Hahaha! Kinakatakot ko lang kasi na baka hindi namin maabot ang iba pang taong interesado sa aming gawa. Post sa Facebook, post sa Friendster, post sa blog at sa DeviantArt. Hindi na ito Culture Crash. Ito'y isang indibidwal na pagkilos na lang ng dating dibuhista sa nasabing publikasyon. Isang desisyon upang mabigyan ng katapusan ang nasimulang kuwento.

Hindi din ito C3Con. Wala kaming higanteng booth na puno ng mga banners at posters na nakaposisyon sa gitna ng venue. Ang aming mesa ay balot lang ng kaparehong table cloth sa ibang mesa. Dinamitan lang namin ng manila paper para matakpan ang ilalalim, at nilagyan ng kung anu-ano'ng printout na hindi nagamit. Nilagyan din namin ng doodle area sa table top mismo na suhestiyon na din ng aking asawa upang mapasaya ang lugar namin. Laban sa naglalakihang tables na may mga higanteng tarps at streamers, parang pulubi lang kami doon. :(

10:00 AM. Simula ng event. Nung mga unang minuto ay parang konti pa lang ang mga tao. Wala pa ngang pumupunta sa table namin until after mga 10 o 15 minutes. Mabagal ang simula, pero mga bandang tanghali ay nagsimula nang dumami ang mga tao.

Nakakatuwang makita at makausap ang mga dating mambabasa ng Culture Crash na pumunta sa table namin. Yung iba ay nag-stay upang makipagkuwentuhan. Hindi ko na iisa-isahin ang mga pangalan niyo. Ikinagagalak po namin kayong makilala at makausap.

MARAMING SALAMAT PO SA INYONG LAHAT!!! :)

Kay David(o4), napakabait mong tao. Bumalik ka pa sa table namin para iabot ang iyong bayad kahit nakalabas ka na sa event area. Maraming salamat! Na-senior moment kami doon, and we appreciate your honesty.

To the people who are planning the CT cosplay, sorry 'di ko nakuha mga names niyo. Let me know kung kelan at saan yung plan niyong event ha? :)

Sa mga taong nag-iwan ng kanilang mga doodles, messages at iba pang bagay sa aming doodle area, hintayin niyo lang at pag natapos kong i-scan ang buong papel e iu-upload ko din dito. Mahirap mas-scan ng manila paper. Whew! ^_^"

We are happy to inform everyone na mahigit sa kalahati ng CTR at mga 38% ng CTS ang nabenta namin sa Komikon 2009. Masaya na din kami sa figures na yun dahil ibig sabihin ay madami pa din ang interesadong bumili at magbasa ng CT. Ibig sabihin ay:

-madami pang CTR at CTS para sa Mangaholix event sa November. Sa mga hindi pa nakakabili, sa November 21-22 ay magkita tayo sa nasabing event at may pagkakataon pa din kayong makabili.

-masaya naming ipagpapatuloy ang CT hanggang kaya namin magpalimbag ng mga kopya. Sana'y patuloy niyo kaming suportahan.

Bilang huling mensahe, ikatutuwa namin kung makapagbigay kayo ng inyong mga feedbacks tungkol sa 2 libro (CTR at CTS). Importante sa amin ito upang patuloy naming mapaganda ang CT. Ipadala na lamang ang inyong emails sa: ctrewind@gmail.com

MARAMING SALAMAT PO SA INYONG LAHAT!!! :)

Mei at Memer

p.s. Pinagsisihan na po ni Memer ang maliliit na fonts. Sa kanyang pagmamadali sa paggawa ng 2 libro ay hindi niya ito napag-isipang mabuti. Huhu... Kung pwede lang kami mamigay ng magnifying glass na libre sa bawat bumili...

Next time po ay magpo-post ako ng mga kaunting pics na nakunan mula sa event. Paalam!